Maret 25, 2008 pada 1:49 am · Disimpan dalam Ende Batak, Toba and Label: Joy Tobing
Di endeku ho hutonahon
Bohimi sai hot di rohangki
Tung so boi be ho huhalupahon
Sai jotjot ho ro tu nipiki
Rap na jolo hita sian huta
Tolu ari tolu borngin ndang ni hilala
Martata huhut martolha tolha
Laos disi do tubu holong ni roha
Jumpang ma ujung ni pardalanan
Tangis ahu ito di ari parsirangan
Tung gomos tangan mi marsijalangan
Sude na i tahe ndang tarlupahon
Di endeku ho hutonahon
Bohimi sai hot di rohangki
Tung so boi be ho huhalupahon
Sai jotjot ho ro tu nipiki
Tu dia ho luluanhu
Tolu taon sai tarpaima ahu
Sai andigan ma hita pajumpang
Naeng pajumpang pasombu siholhi
Maret 25, 2008 pada 1:47 am · Disimpan dalam Ende Batak, Toba and Label: Victor Hutabarat
Ai diingot ho dope ito rap dakdanak uju i
rap marmeam meam di hauma manang di balian i
ho marlojong lojong di batangi laos hu adu sian pudi
laos tinggang do ho ditikki i sap gambo bohimi
Ai diingot hodope ito nadiparsobanan i
ima naso tarlupahon au tikki roma rimbus i
laos hubukka ma dabajukki asa adong saong-saong mu
tung massai gomos do ho huhaol asa tung las ma daging mi
Reff.
Hape dung saonari nungnga leleng dang pajumpang dohot ho hasian,
nungnga adong sappulu taon atik naung muli do ho
Molo tung namuli pe taho dang na pola sala i hasian
asal ma huida bohimi asa tung sonang rohakki
Anggo ala rokkap do ito Tuhan ta do umboto i
